ٹیوٹا کے ڈی جی آپریشن عامر عزیز ، ایڈیشنل ڈی جی پلیسمنٹ معاذ سلیم، ڈپٹی ڈائر یکٹر پلیسمنٹ کاشت رشید وفد میں شامل
اسکا نکم کے سی ای او چوہدری انصر محمود ایڈووکیٹ، ڈائر یکٹر زریاب محمود ایگزیکٹیو میجر و قار رشید کے ہمراہ خصوصی اجلاس
ٹیوٹا کا الحاق اسکا نم سے اس لیے کیا گیا ہے کہ پاکستان سے افرادی قوت آسانی سے سعودی عرب بلائی جاسکے ، مقررین –
جدہ (نمائندہ خصوصی) پاکستان میں فنی تعلیم سے آراستہ ہر طرح کے ہنر مند مختلف شعبوں میں اپنی خدمات سرانجام دے رہے ہیں جبکہ بیرون ملک بھی بے شمار پاکستانی ہنر مند اپنی بھرپور صلاحیتوں کا مظاہرہ کر رہے ہیں لیکن لاکھوں نوجوان TEVTA ٹیکنیکل ایجوکیشن اینڈ ووکیشنل ٹریننگ اتھارٹی کے زیر اہتمام متعدد تربیتی کورس مکمل کرنے کے بعد اندرون اور بیرون ملک باعزت روزگار حاصل کررہے ہیں، یہ بات ڈائرکٹر جنرل آپریشن عامر عزیز نے جدہ اسکانکم کے دورے کے دوران بتائی، گفتگو کے دوران اسکانکم کے سی ای او چوہدری انصر محمود ایڈووکیٹ ، ڈائرکٹر زریاب محمود ، ایکزیکٹیو منیجر وقار ارشد، جبکہ TEVTAکی جانب سے ایڈیشنل ڈی جی پلیسمنٹ معاذ سلیم،ڈپٹی ڈائرکٹر پلیسمنٹ کاشف رشید شریک تھے، انکا کہنا تھا کہ پاکستان میں لوگوں کو مختلف شعبوں میں فنی تعلیم مہیا کرکے معاشرے کا مفید اور کارآمد شہری بنایا جا رہا ہے۔ TEVTA (ٹیوٹا) کے تحت سینکڑوں شعبوں میں فنی تعلیم فراہم کی جار ہی ہے تاکہ میٹرک پاس نوجوان بھی اپنی پسند کے شعبہ میں فنی تعلیم حاصل کرکے باعزت روزگار حاصل کر سکیں
۔ عامر عزیز نے کہا کہ ٹیوٹا سے ٹریننگ مکمل کرنے کے بعد جو سرٹیفیکیٹ ہولڈر ٹیوٹا سے ٹیکنیکل تعلیم یافتہ ہوگااسے پاکستان کے ساتھ ساتھ بیرون ملک روزگار کے حصول میں آسانی رہیگی، TEVTA کا الحاق اسکانکم سے کیاگیا ہے تاکہ پاکستان سے تربیت یافتہ افرادی قوت سعودی عرب بلائی جاسکے، TEVTA کا جاری کردہ سرٹیفیکیٹ بیرون ملک بڑی اہمیت کا حامل ہے ، TEVTA کے وفد نے پاکستان انوسٹرز فورم کیلئے دوسری بار صدر منتخب ہونے پر اسکانکم کے مینیجنگ ڈائریکٹر شفقت محمود کو مبارکباد پیش کی اور نیک خواہشات کا اظہار کیا۔
