الو ارجن کی طویل انتظار کے بعد ریلیز ہونے والی فلم ” پشپا 2: دی رول” نے باکس آفس پر دھماکہ خیز انٹری دی اور دیکھنے والے حیران رہ گئے
ممبئی(شوبز ڈیسک) الو ارجن کی طویل انتظار کے بعد ریلیز ہونے والی فلم “پشپا 2: دی رول” نے باکس آفس پر دھماکہ خیز انٹری دی ہے۔ فلم نے پہلے دن 175.1 کروڑ روپے نیٹ کمائی کرکے ہندوستانی سینما کی تاریخ میں سب سے بڑی اوپننگ کا ریکارڈ قائم کیا، جو اس سے پہلے ایس ایس راجامولی کی فلم “RRR” کے پاس تھا۔”پشپا 2″ کے زیادہ تر کلیکشن تلگو ورڑن سے آئے، جس نے 95.1 کروڑ روپے کمائے، جبکہ ہندی ورڑن نے 67 کروڑ روپے کا شاندار بزنس کیا۔ تمل ورڑن نے 7 کروڑ، ملیالم نے 5 کروڑ اور کنڑ ورڑن نے 1 کروڑ کا حصہ ڈالا۔ تلگو ورڑن کے شوز کی اوسط نشستیں 82.66 فیصد تک بھر گئیں، جبکہ نائٹ شوز نے 90.19 فیصد تک کے حیرت انگیز اعداد و شمار حاصل کیے۔فلم میں الو ارجن نے ایک بار پھر اپنے مشہور کردار پشپا راج کو نبھایا ہے، جبکہ رشمیکا مندانا سری ولی اور فہد فاضل بھنور سنگھ شیکاوت کے کردار میں نظر آئے۔ فلم کی کہانی سرخ چندن کی اسمگلنگ کے گرد گھومتی ہے اور اسے ڈائریکٹر سکومار نے ہدایت دی ہے۔ماہرین کے مطابق، “پشپا 2” ہفتے کے اختتام تک 250 کروڑ روپے سے زیادہ کا بزنس کر سکتی ہے۔ یہ فلم نہ صرف اپنے پلاٹ بلکہ ایکشن، میوزک اور الو ارجن کی شاندار پرفارمنس کے لیے بھی مداحوں کے درمیان بہت مقبول ہو رہی ہے۔بھارتی فلم انڈسٹری میں پشپا 2نے ایک نئی تاریخ رقم کردی ہے باکس آفس میں دھماکہ خیز انٹری نے دھوم مچا دی ہے ۔
