فلم فیسٹیول میں اچانک عالیہ بھٹ کے پیٹ میں شدید درد ‘کرینہ کپور نے درد دور کردیا

عالیہ بھٹ ان دنوں اپنے پروفیشنل کیریئر میں خاصی مصروف نظر آتی ہیں۔ وہ حال ہی میں وسان بالا کی فلم “جگرا” میں نظر آئیں

کراچی ( شوبز ڈیسک) لیجنڈری اداکار اور فلم ساز راج کپور کی پیدائش کی صد سالہ تقریبات کے موقع پر منعقدہ فلم فیسٹیول میں بالی ووڈ کی مشہور شخصیات نے شرکت کی۔ تقریب میں عالیہ بھٹ اور کرینہ کپور بھی شامل ہوئیں۔اس ایونٹ کے دوران ایک ویڈیو سوشل میڈیا پر گردش کر رہی ہے جس میں عالیہ بھٹ تھوڑی تناو¿ کا شکار نظر آرہی ہیں۔ذرائع کے مطابق عالیہ بھٹ کے اچانک سے پیٹ میں درد اٹھا اور اس دوران موقع پر کرینہ کپور اپنے پرسکون اور دوستانہ انداز میں عالیہ کے نزدیک جاکر ان کو مسکراہٹ کے ساتھ تسلی دیتی ہیں، جس کے بعد ان کے تناو¿ میں کافی کمی آجاتی ہے، اس کے بعد دونوں نے کپور خاندان کے دیگر افراد بشمول رنبیر کپور، کرشمہ کپور، سیف علی خان، رندھیر کپور اور ببیتا کپور کے ساتھ گروپ فوٹو کےلیے پوز دیا۔یہ فیسٹیول آر کے فلمز، فلم ہیریٹیج فاو¿نڈیشن اور نیشنل فلم آرکائیو آف انڈیا (NFDC) کے اشتراک سے منعقد کیا گیا، ”راج کپور 100: سیلیبریٹنگ دی گریٹ شو مین“ کے تحت 13 سے 15 دسمبر تک بھارت کے 40 شہروں اور 135 مقامات پر راج کپور کی کلاسک فلموں کی نمائش کی جا رہی ہے۔

اس فیسٹیول میں ”آوارہ“، ”شری 420“، اور ”میرا نام جوکر“ جیسی مشہور فلمیں شامل ہیں۔عالیہ بھٹ ان دنوں اپنے پروفیشنل کیریئر میں خاصی مصروف ہیں۔ وہ حال ہی میں وسان بالا کی فلم ”جگرا“ میں نظر آئیں، جو ان کے پروڈکشن ہاو¿س ”ایٹرنل سنشائن پکچرز“ کے بینر تلے بنائی گئی دوسری فلم تھی، ان کا اگلا پروجیکٹ ”الفا ود شروری“ ہے، جو یش راج فلمز کی جاسوسی کائنات میں خواتین کی قیادت پر مبنی پہلی فلم ہوگی۔