کراچی میں ہیپاٹائٹس سی تیزی سے پھیلنے لگا، مچھر کالونی میں خطرناک صورتحال

کراچی میں موذی مرض ہیپاٹائٹس سی تیزی سے پھیل رہا ہے، اور صرف مچھر کالونی میں 13 فیصد آبادی اس خطرناک بیماری کا شکار ہو چکی ہے۔

بین الاقوامی غیر سرکاری ادارے کی رپورٹ کے مطابق، مچھر کالونی میں 74 ہزار افراد کی اسکریننگ کی گئی، جس کے نتائج انتہائی تشویشناک نکلے۔ رپورٹ میں انکشاف کیا گیا کہ 10 ہزار سے زائد افراد ہیپاٹائٹس سی میں مبتلا پائے گئے۔

ہیپاٹائٹس سی کے پھیلاؤ کی بڑی وجوہات:
طبی ماہرین کے مطابق، اس خطرناک مرض کے پھیلنے کی بنیادی وجوہات میں شامل ہیں:

مریضوں کے لیے مفت علاج کی سہولیات
بین الاقوامی غیر سرکاری ادارے کے مطابق، مچھر کالونی میں ہیپاٹائٹس کے شکار 9,000 سے زائد افراد کو مفت علاج فراہم کیا جا رہا ہے تاکہ اس مرض کے پھیلاؤ کو روکا جا سکے اور متاثرہ افراد کو صحت مند زندگی دی جا سکے۔

ماہرین نے عوام سے اپیل کی ہے کہ وہ غیر محفوظ سرنجز، غیر تصدیق شدہ حجاموں اور اتائی ڈاکٹروں سے دور رہیں، اور ہیپاٹائٹس کی بروقت اسکریننگ کروا کر اپنا اور اپنے پیاروں کا تحفظ یقینی بنائیں۔